A Grade Kitchen 蛻變 ‧ 「敏敏」的故事

由 2012 年開始寫 A Kitchen，到後來變成 A Grade Kitchen，我喺 Facebook 分享咗好多年嘅煮食心得、食譜、同埋對食材嘅執著…直到 2019 年，突然靜悄悄停咗。

點解？因為「敏敏」出現咗。

唔好誤會，「敏敏」唔係我囡囡，而係「食物過敏」。

大約 2018 年，我發現自己有嚴重「小麥過敏」。由細到大，我一直有唔少小毛病，搵唔到原因。直到醫生話：「你要戒晒小麥。」即係話：麵包、意粉、豉油…全部都要斷晒！

當時真係晴天霹靂。多年嘅生活習慣、所有心愛食譜，一夜之間變得「無用」。要由零開始，重新認識「小麥過敏」嘅飲食世界。煮食動力？幾乎冇晒。

所以 AGK 就靜咗。

但今年，AGK 返嚟啦！ 新 AGK，專注食物過敏。因為我明白，食物過敏唔係小事。想同大家一齊，煮得安心，吃得放心！